Saturday, 15 March 2008

Ni Ropui!

March 15: Vawiin zet chu Choolaimedu history-a hriat reng tlak a ni ngei ang le. Tukin zing dar 1:00 khan ropui takin Coimbatore VCP Tin Tin-a'n he website (blog) hi mipui tan a hawng kan tih tawh kha. Tichuan tlai lam dar 4:00 khan football match ropui lutuk mai Loyola Stadium-ah Mizo ten an han khel lehnghal a. Zanin dar 10:00 hian Choolaimedu Mizo te CMWA Farewell-a Special Item tur practice nan kan la inhmukhawm dawn bawk a ni.

Mahse vawiin hriatreng tlak a nihna chhan chu thil dang vang a ni: Inkhel thiam Lalzarzova piancham vawi XX-na a lo thleng leh hi keini Choolaimedu Mizo te chuan kan lawmpuiin duhsakna sang ber amah Zara hnenah kan hlan a ni.

Tv. Zara chanchin tawi te han tarlang ila. A nu leh pa te fa niin Aizawlah a pian kumah a piang a. Tet te atanga seilian niin hmun dang zawng aiin Choolaimedu-a awm a thlang ta a ni. He khawvel hi football leh mathematics nen a tehkhin thin thu a sawi a. A First Love pawh football anih thu a sawi bawk.

Zara hi mi namailo tak a ni a. College tana khel pha, Mathematics thiam chungchuang leh thian tha tak a ni.

ZARA! DAM RENG RAWH SE! JAI HIND!

5 comments:

Mike H. said...

Zara hi St Pauls atangin ka hre toh a.An unau mai nilo, an chhungkhat te thlengin football thiam mi anni a.Football thiam veng Republic veng chhuak nge2.An inbul kawngpui remlo laia an inkhel reng peih te kha tuna a dinhmun hruaithlengtu pakhat chu aniin ka hria.Lehkha zir lamah lah mi tamtak te thiamloh Maths hi a thiamzawng tak a lo ni boksi. Inkhelh leh Lehkha han thiam chu a combination a dikin Mipa tan chuan duhthusam anih ka ring.4-4-2 lamah a idea a thatzia nitinin kan hre thar zel bawk a.Zara hi Loyola tan mai nilo....Choolaimedu,CMWA,Republic Veng,Aizawl,Mizoram,North-East,Hindustan tan thlengin a lo tangkai ania...Zara!!Dam reng rawh se!!

Tetea Tochhawng said...

Mike, i sawi dik lutuk. Jai Hind!

NancyRalte said...

Zara hian Math a thiam tluk zetin nula try dan a thiam an ti!!!! Birthday gift(kiss) a dawng em tih kha zawhna lian tak a la ni!Nula pakhat birthday-ah chuan gift chu Zara hian nula chalah chuan maimitchhing chungin a pe ngei mai ah....a bak chu ka se toh lo :o)

Anonymous said...

I would like to exchange links with your site www.blogger.com
Is this possible?

dheeraj88 said...

Hi, I am also from loyola college. A friend of zara. Do you zara's email id.