Saturday 29 March 2008

Choolaimedu Football Superstars

Pic: Zara & Ch.Ch-a

Choolaimedu Mizo-te hi Chennai ah na na na chuan hma kan sawn ber ti ila kan sawi sual awm love. Football lamah pawh kan namai lo hle a. A chunga mi pahnih pawh khi hrelo kan awm ka ring lo.

Zara leh Ch.Ch-a te hian kan veng mai bakah Chennai Mizo-te min ti hmingtha hle a. An chanchin tawi te han tarlang mai mai ila. Zara hi Loyola College football team ah te lo tel tawh thin a ni a. Amaherawhchu lehkha zirna lama hun tam zawk pek a duh avangin a han chawl lailawk ren rawn a. Mahse tun hnai khan Loyola College Coach chuan a tel lova an khelh ngai ngam lovin nasa taka a sawm hnu ah a khel leh tih thawm kan hria a ni.

Ch.Ch-a pawh hi First Year chauh ni mah se sulhnu a ngah tawh hle. Amah bak hi Mizo zingah Indian Bank tana khel an la awm ngai lova. Lehkha zir pahin a inkhelh atang hian hlawh thahnem tawk tak a lalut a ni. Tunah pawh hian Indian Bank tana inkhelin a buai hle a ni.

Choolaimedu Mizo-te nge nge!

Friday 28 March 2008

Pasaltha Dik Tak!

Pic: Choolaimedu Pasaltha-te

Pasaltha han tih hian kan rilru-a lang hmasa ber chu "huaisenna" hi a ni awm e.

A chunga mi pathumte khi pasaltha dik tak an ni ka ti lo thei lo alawm. Chennai Mizo zawng zawng hma-ah kher chaw an ei ngam hi an huaisen ka tiin a ropui ka ti em em a ni.

Choolaimedu Mizo-te nge nge!

Wednesday 26 March 2008

CHOOLAIMEDU MALE VOICE


Choolaimedu Male Voice (Conductor : F-a)

Choolaimedu Mizo te hi kan theuneu lo kan tih tawh kha. Sports leh Fashion ah chauh lo pawh hian kan chungnung zel e. Zaithiam tak tak te pawh kan nei chho zel a, music video meuh siam pawh kan pung chho zel a, a ropui e!

Tun hnai maiah khan Choolaimedu Male Voice paw'n Conductor F-a hovin hla an zir thina, an inpekna a sangin an hnathawh a ropui thei hle. Raya aw thum tak mai chuan BASS a ti phuisui tha hle a, Felpuia aw sang mawi lutuk chuan Tenor a timaw hle bawk. Kca leh Tetea aw tham mawi tak mai chuan Alto a timaw em em bawk a. Suprano Zuala aw pawh a mawi ngaiin ala mawi reng e. Conductor F-a thawhrimna a fakawm e!!!

Tuesday 25 March 2008

Tunlai Choolaimedu Fashion

Pic: Ke Artui Lenglo Kekawr

Vawiin chu tihian ka ngaihtuah mai mai a: Choolaimedu hi kum thum kalta nen khan a va danglam nasa tak em! A bik takin incheina lamah.

A chunga thlalak khi entirna tha tak niin ka hria. Tunlai fashion ang zela nun dawn chuan kekawr zuih tak, ke artui-a tang khawpa zuih hi neih a tul tawh tlat a ni.

Kum thum kalta kha chuan slippers nen college kan kal thin. Tunah zawng "Vans shoes" kan ti, Puma a lar, hmeichhe lamin j'adore an lo buaipui thul! A mak tawh mang e. Kekawr mai mai pawh a kap tawi chi te, khup-a kap awm chi te, a zuih chi te, wallet chain tel lova hak chi loh te, a tam mai, kan sawi seng lovang. Hairstyle chu sawi tawh lo mai ang. Zara khan a ziak tha viau in ka hria. 

"Mahse" ka'n ti teh ang. Choolaimedu Mizo te hian thil hi kan la uchuak deuh mah mah thin emawni chu aw ka ti a. A chhan chu a chunga ka sawi tawh ang khian kekawr phelh theih loh tur khawpa zuih nei kan awm tlat a ni. Ka hriat dan chuan a neitupa hian tunah a roomah tarmawi atan a hmang.  

Editor Tetea Tochhawng

Pic : Tv. Tetea Tochhawng

Hun a kal ve zela, mihring pawh kan lo changkang chho tulh tulh a. Chennai paw'n website kan lo nei ve ta reng mai. Chutih rualin Chennaia Mizo awmna veng pakhat Choolaimedu paw'n Blog alo nei ta rup mai le...!!! A ropui hle mai. A siamtu leh enkawltu te an fakawm.

Chutih rualin kan blog neitupa Tetea hi a fakawmin, a chhuanawm em em mai a. A hnathawh a ropuiin a inpekna hi a hlu em em ani. Choolaimedu Mizo mai bakah Mizo hrim hrim te kan lo inpawh tlan nan leh chanchin kan inhriat tawn sak zung zung theih nana hetiang siamna chang a rawn hria hi kan ngaisang tak meuh meuh ani.

Tetea hi amah zir chiangtu ten an sawidan chuan kawplai anei antia. Kan palai in a kawm naah erawh chuan ZAWNGLAI or ZAWNLAI(?) ala inti a, nula tan pawh vacancy ala awm e. Nula ten in lo ngaihven thei ang, chuti lo chu inchang lo mai ange, a LUCK teh ania aw! Tunah hian Loyola College ah B.A History,Final yr a zir meka. Thlaleh mai hian Zawlkhawpui lam min pansan tawh dawn a. Member ten kan ui hle ani. Tlangval fiamthu duh tak leh a bula awm nuam em em mai ania. A tawng tam em em lo nain, a nula duhzawng hi chu a hmaih ngai chuang meuhlo ani awm e. Ruihtheih thil leh thilsual dang atih kan hrelo, card a den thin hi a sualna kan hriat awm chhun chu ani mai!!! Tlangval entawntlak em em mai ani.

A thiamna leh a thawhrimna hian mi puitling takah ala siam ngei ang. Thil hi a hre em em bawk. Football pawh a tui hle a,Man Utd hi a tan bera. Computer lampang hi ahre em em bawka, hetiang lamah chuan a thiante pawn kan chhawr hle. Tunah hian lehkha zir chungin hna a thawk mek bawka, a fakawm hle. Kamding hausa anih hi...!!!

Tetea hi "A THEU NEU LO, A MAI MAI LO.."!!! Jai Hind

CHENNAI PASALTHA


Pic: Easter Egg sem zawh

Chennai pawh member kan lo pung chho ve zela, Chennai pasaltha - tlangval tlawmngai leh fel pawh kan lo pung ta zela. Inkhawm pawh kan thahnem thei hle a, inkhawm a nuam thei khawp mai.

Easter Sunday ah pawh inkhawm kan thahnem lehpek khawp mai. Hemi niah hian mi tlawmngai te zarah Easter Egg leh Cake tui tak kan ei theih phah ani! A ropui e! Lo hawn ru then tawk lah bo lo, nuam kan ti tlang hle.

FAREWELL MATCH - BASKETBALL VIDEO

OUTGOING- DAN ZAWH RUAL LOH!!!



HUN VAWN DIK
Dar 5pm kim tura tih ania, kan kim dik teuh khawp mai. 5:15pm ah kan kim thap e.

MATCH
Out Going hovin bul an tan tha hle. Raymond cuan mawi tak mai in a rawn lut nghal. Jerome, Mazuala, KCa leh Felpuia te an rawn chetha bawk a, hun rei lote chhungin Out Going chuan 16-0 in an lead der mai. Still Going lam tan Mapuia'n a rawn score. Still Going pawh Mike, Juju, Zama, Reuben te ho an rawn chetha tan a. Halftime anih meuh chuan 30-16 ani thei hial.

Second half an tan a, Still Going lamah Jonathan, Ruatpuia, Dominic te an rawn lut mahse game a dang thei tak tak lo, mahse Still Going in free transfer a an lak Coimbatore VCP Tin Tin-a a rawn lut erawh game a khawih danglam teuh khawp mai. Mahse Felpuia leh Jerome an chetthat mai piah lamah KCa, Mazuala leh Ray ten an rawn puih that em avangin Out Going chuan harsa lutuk lovin Still Going chu 60-40 in an hneh ta ani.

MVP: Jerome V.L Hriatpuia (Out Going)

Monday 24 March 2008

TUNLAI THALAI TE HAIRSTYLE!!!

Pic: Choolaimedu Hairstyle nalh ber

Tunlai khawvel ah chuan hairstyle hi a pawimawh khawp mai. David Beckham pawh hi inkhel a thiam vang mai piah lamah, a hairstyle vang hian khawvelah a lar phah em em ani.

Chutiang chiah chuan Tv Daniela pawh hi a lam thiam mai piah lamah a hairstyle hi a larpui hle. 4-4-2 in poll a lakna ah pawh Choolaimedu a hairstyle nalh ber ah a tling chiang hle bawk. Hetiang taka hairstyle nalh Choolaimedu mizo zinga an awm hi kan vannei tak meuh meuh ani. Mahse Tv Daniela ngei in a sawi danin "hairstyle hian nula hip viau mahse zei tel si loh chuan a hip a na tak tak theilo". Chuvang chuan in hairstyle a nalh vang khan sas vaw thlu turah in inngai ringawt ange, Tv Daniela anga in zei si loh chuan entihna mah ani lovang.

Easter Sunday


(Click image to enlarge)

March 23: Choolaimedu Mizo ho chuan a ngai te bawkin inkhawm banah thla kan la ho leh a. Inkhawm banah artui leh cake ei tur a awm dawn tih an hriat vanga inkhawm ta kha an awm nual a, chung zinga pakhat ka hriat chian em em chu Zara hi a ni.

Choolaimedu lam kan inkhawm tha hle a (a ngai te bawkin). Kan VCP, val upa-te leh MHIP president te erawh chuan min rawn tawiawm thei ta lova, pawi kan ti. A kal ho erawh kan hlim tlang hle. 

Artui pum thum ei te chu Raymond, Felpuia leh Zuala te an ni. Reuben-a paw'n thingpui dawh nawn nuam a ti hle. Nula lamin thla lak bak ngaihtuah an nei lem lo.

Friday 21 March 2008

F-a Basketball Skills

F-a ang basketball thiam kan nei tih hi kan hria em aw? A video hi en la, i hmulthi a ding sung sung mai ang!


I-LEAGUE ah CHOOLAIMEDU MIZO



Chennai Senior Division champion Indian Bank chuan tun inrinni 22nd March hian I-league khel turin Chennai an chhuahsan ang

I-league hi Kolhapur leh Pune a khelh tur ania. Indian Bank hi Pool-B a an awm avangin Kolhapur ah an khel ang. An pool ah hian Mohammedan Sporting Club (Calcutta), OSIAN'S New Delhi Heroes (Delhi), Mumbai Football Club (Mumbai), Oil India Limited (Duliajan ) leh Amity United FC (Manesar) te an awm. An round hi an paltlang theih chuan Guwahati ah 2nd phase an khel ang.



Pic: ChCh-a
Indian bank hian an Cameroon striker an hman theih dawn loh avangin Isarel striker Lalchhanchhuaha (Ch. Ch-a) a pawimawh hle tura rin ani. Ch. Ch-a hi mizo player Indian Bank a khel hmasa ber leh Chennai Senior Division League champion hmasaber ani. Tuna I-League a khelh tur pawh hi kan chhuang hle. A tihdan thin pangai anga Goal tam tak nen Choolaimedu a rawn thlen leh ngei kan beisei.

Hei Le Basketball Jersey!

Pic: Choolaimedu VCP Jersey

March 21: CMWA Basketball Jersey chu siam tir mek a ni a, Ni 29 hian peih fel hman tum niin, Ni 30 CMWA Farewell-ah tlangzarh a ni ang. Thu kan dawn danin tlangzarhna-a model ni tur hian Choolaimedu atangin pahnih beisei an ni. 4-4-2 poll hmanga zawn zawn tur niin, a tling chu phat awih loh a ni ang.

Jersey hi 33 siam tir a ni a, 25 chu
Choolaimedu lam ta tur a ni. Jersey pakhat hi Rs. 270.00 man niin players ten anmahni hak tur theuh an in tum a ni. He Jersey mawi dangdai tak design tu hi Mike, Vâla Rûn a ni a, a chungah Choolaimedu Mizo mai bakah Chennai Mizo te chuan lawmthu kan sawi tak meuh meuh a ni.

Players langsar zualte:
* F-a (18) (Captain) - Hotu chan changin Jersey number hi a thlang hnuhnung ber a, a number hi a Department Number (Roll Number) nen a inang a ni.

* Figo (19) - A Jersey-ah "BOBBYZ" tih chhut tirin, he hming hi hming maksak ber ni a ngaih a ni.

* Gyna (23) - Jordan Award dawngtu Gyna chuan Michael Jordan iangin Number 23 a ha dawn a. A tluk tak tak dawn emaw a in ti ang tih a hlauhawm khawp mai!

Statistics:
* Summer Sports-ah hian quarter khat hi minute 10 anga chhutin, CMWA players 33 te hian khel vek dawn ta se game khatah 72.727273 seconds (1.12 minutes approx.) theuh an khel thei ang. Chennai nge nge kan in daihzai dawn khawp mai!

* Player khat hian game khatah basket 2 theuh nei ta se Team points chu 132 a ni ang a, hei lek pawh hi chakna tham a tling. Kan CHAMPION sa turah kan ngai.

Wednesday 19 March 2008

Loyola College History Department Mizo Zaipawl

March 14: Loyola College Department of History chuan Golden Jubilee an lawm a. Hetah hian he department-a Mizo-te chuan "Tuinung Lui" tih hla chu mawi takin an rem.


Tetea, Jerome, MS-a, Zauva, Esther, Andrew, Henry, F-a, Mike, Samuel (guitarist)

Farewell Match Final Tuihnihna


F-a birthday present to Zara


Naupangho lawm hmel

Good Friday - 21st March


March ni 21 hi Good Friday a ni tih chu kan hre vek awm e. Christian-te ni pawimawh ber anih angin keini Choolaimedu Mizo chhungkuaah pawh he ni hi serh a Biak In-a inkhawm duh kan awm nual ang.

Mahse CMWA chuan a hranin Mizo inkhawm programme a buatsaih dawn lova. Hetiang anih takah chuan Ashraya ah hian a thei thei chu inkhawm i tum teh ang u. Choolaimedu Mizo-te zingah Ashraya hi kan hmelhriat vek awm e. English service a ni a, inkhawm boruak a zangkhaiin a nuam thei hle a ni.

Zan lam programme anih angin kan hman vek a rinawm. Choolaimedu Mizo zawng zawng kal vek i tum ang u.

Ashraya Centre
Friday, March 21st, 7:00-9:00pm
Chateau D'Ampa (Basement)
Nelson Manickam Road
Chennai

Monday 17 March 2008

CMWA Farewell Inpuahchahna Kal Zel

March 17: Farewell atana inpuahchahna chu tluang takin a kal zel a. Saturday, Ni 15 zan khan 'Vala Run' ah Choolaimedu Mizo committee koh a ni a. Choolaimedu Veng Special Item tur rel ho anih mai bakah zir ho nghal a ni.

Nizan lam pawh khan ngawrh taka chhunzawm leh
a ni a, zai tur te pawh an phur tlangin a boruak a nuam chho hle. Recording studio-ah hial te an practice tih thawm hriat a ni. Mahse zai turte hming leh an hla sak tur hi thup rih a ni. Hemi bakah hian 'THIL' a la awm dawn ni awmin kan hre bawk. Hei bak chu tunah rih chuan sawi a rem lo.

Choolaimedu Mizoten Youtube an en chik tan hle tih erawh tuman an pha lo.
Choolaimedu Khua leh Tui Thenkhatte (Mama tiam lovin)

Sunday 16 March 2008

Choolaimedu Mizo Map

(Click image to enlarge)

A kim lo nual a, sawiselna nei chuan rawn sawi zel ru.

Saturday 15 March 2008

Ni Ropui!

March 15: Vawiin zet chu Choolaimedu history-a hriat reng tlak a ni ngei ang le. Tukin zing dar 1:00 khan ropui takin Coimbatore VCP Tin Tin-a'n he website (blog) hi mipui tan a hawng kan tih tawh kha. Tichuan tlai lam dar 4:00 khan football match ropui lutuk mai Loyola Stadium-ah Mizo ten an han khel lehnghal a. Zanin dar 10:00 hian Choolaimedu Mizo te CMWA Farewell-a Special Item tur practice nan kan la inhmukhawm dawn bawk a ni.

Mahse vawiin hriatreng tlak a nihna chhan chu thil dang vang a ni: Inkhel thiam Lalzarzova piancham vawi XX-na a lo thleng leh hi keini Choolaimedu Mizo te chuan kan lawmpuiin duhsakna sang ber amah Zara hnenah kan hlan a ni.

Tv. Zara chanchin tawi te han tarlang ila. A nu leh pa te fa niin Aizawlah a pian kumah a piang a. Tet te atanga seilian niin hmun dang zawng aiin Choolaimedu-a awm a thlang ta a ni. He khawvel hi football leh mathematics nen a tehkhin thin thu a sawi a. A First Love pawh football anih thu a sawi bawk.

Zara hi mi namailo tak a ni a. College tana khel pha, Mathematics thiam chungchuang leh thian tha tak a ni.

ZARA! DAM RENG RAWH SE! JAI HIND!

STILL GOING AN KAL ZEL!!!

Out Going Team

Still Going Team

March 15: Vawiin tlai dar 4:00 khan Loyola College Stadium ah Out Going leh Still Going an khel a. Still Going chu 3-1 in an chak.

He match tan hma hian Opening Ceremony tawi te neih ani a. Team Captain te pahnih Laltuaia leh Figa chuan T-Shirt Players signature awm an in thleng. Outgoing Midfielder Zara chu an Capt Laltuaia chuan Ball (Vector X ngat mawle!!) a present. Photo session tawite a awm hnu in match chu tan nghal ani.

Outgoing chuan 3-2-2-3 formation rawn hmangin an game a rawn tha nghal hle. Min 10 vel lekah Freekick hmu nghal in Andrew chuan a pet goal lo hlauh. mahse min 15 hnu chuan game a dang ta. Indian Bank striker Ch.Ch.a chuan Defender rinawm pahnih Ray leh Dinga te chu bumin mawi lutukin a petgoal. Hemi hnu hian Still Going chuan substitute awmze nei an rawn siam. Sanga (yo yo) chuan a ball vawikhat khawih naah nalh dangdai takin a rawn thun. Outgoing tana pawi leh zual turin Capt Figa chuan left flank atangin ball a la lut a, tha lutukin a cross. Defender rinawm Felpuia leh Mazuala chuan dang tum mahse Ch.Ch.a chuan a class a rawn pho lang. Angle awm tawh lo atangin a rawn volley lut pawp mai. Out Going chuan chance nei zeuh zeuh mahse an score thei lo. Zama leh Reubena an khel tha hle. Ruatpuia pawh Gerrard a style phak ang tawk tawkin a la. Mike a khel tha, mhse a inhliam hlauh.

Second half ah chuan Out Going in attacking football an rawn khel, Ray, Dinga leh Mazuala te trio an hlauhawm thei hle. Hetih lai hian counter attack ah Still Going in Jona, Domi leh Zauva te hmanga an rawn attack chu defender tan a lu hai thlak hle. Chance an miss tawn zak zak hnuah Birthday Boy Zara chuan long range atangin a petgoal. Outgoing tan draw na chance a awm leh hlauh mahse keeper ah Zorina an neih miau avangin an score thei tawhlo. Hun a tawp Still Going chu 3-1 a chak ta. Tichuan sawisel tur engmah awm lovin series 2-1 in an la ta ani. Still Going kan lawmpui e.
~~~
Still Going Team Captain Figo
&
Out Going Team Captain F-a
~~~
Captain ve ve te T-Shirt (players te signature awm) in hlan tawn lai...
~~~
Out Going leh Still Going Team members
~~~

Blog Thar Kan Nei Ta!


Tualte Vanglai atanga kan nghahhlelh em em Choolaimedu Mizo blog chu kan nei ta e. Hun rei tak chhung buaipui ani a (darkar 1). Sum leh pai-ah pawh World Bank leh Central Sorkar lam atangin tanpuina dawng lem lo mah ila kan puitlin thei ta tho.

He blog hi zing dar 1:00 khan ropui takin Coimbatore VCP Tin Tin-a chuan a duh apiang tlawh theih atan a hawng. He hun hi mi thahnem takin an tawiawm ani.


Friday 14 March 2008

Farewell Match Game 3 (Final Match)

From our special correspondent

Naktuk ni 15, March 2008 hian Still Going Team leh Out Going Team te chuan Loyola College football stadium-ah final match an khel dawn ta.

Kan hriat theuh angin he team pahnihte hian vawi hnih lai chu an lo insu tawh a. First match-ah Still Going chuan 4-3 in an chak a. Ruatpuia (2), Zama leh Mike te chuan Still Going tan an pet goal ani. Out Going lam tan Dinga, Reuben (own goal) leh Zara te'n an thun ve thung a. Heta chak lo zawk Out Going te chuan an inchawi ang ngeiin vawksa tui taka siamin Still Going te nen chawhlui an kil ho.

Second match-ah erawh chuan Out Going captain F-a chuan game plan thar rawn duang chhuak a; result pawh a danglam phah hle. Hun pangai ah 1-1 a an in draw hnuin Out Going te chu 6-5 in penalty ah an chak ta ni. He match-ah hian captain F-a chuan Still Going defender tha Zauva leh Zama te chu chiang taka a bum hnuin mawi takin a pet goal a. He goal hi an chakpui mai dawn emaw an tih laiin Still Going Striker ChCh-a chuan mak tak maiin a pet goal ve leh a. Hun a tawp zui tak mai avangin penalty shootout neih ani. Vanneih vang pawh ni lovin Out Going te chu an chak ta ni.

Naktuk tlai dar 4:00-ah Loyola College Olympic Stadium-ah final match hi neih ani ang. Chak zawk tur hriat thiam a har hle. Mahse hei hi thil chiang ani: A chak zawk
an awm chuan a chaklo zawk pawh an awm ngei ang.
Be part of the solution. Support WWF today