Friday 20 November 2009

Chennai Mizo Directory


November 15, 2009 khan Chennai Mizo Welfare Directory 2009-2010 chu kan Vice President Pu Benjamin L. Sailo in ropui takin a release a ni.

Awle, a siam dan tlangpui kan tarlang zuai zuai ang a (thil ngaihnawm em em chu a ni hran lo). Member in ziak lut zat hi kan vaiin 460 kan ni a (hming pe lut lo Mizo engemaw zat an la awm turah kan ngai).

Hming khawn khawm hna hi veng tinah collector ruat an ni a, an ni'n email-in an rawn submit a, a remkhawm hna hi Choolaimedu lam (Tetea, Zara, Zama, Lalmama) te kutah dah a ni ve thung a ni. A cover hi Raymond (Holy Heart School)-an a duh tawka a siksawi vel a ni a, a nalh pawh a nalhin a zahpuiawm lo hle a ni. Proof reading te neih a nih hnuin Police press-a chhut turin kan president Pu Lawmsanga hnenah pek phei a ni a, anin a print lam leh binding vel engkim a lo buaipui ta a ni.


(Kan insawn avangin internet connection kan la nei lova, chennaimizo.com pawh ka rawn update thei lo a ni. A theih veleh PDF version download theihin website ah hian dah a ni ang.)

Tuesday 15 September 2009

Chennai Mizote (13 September 2009)

Sunday, September 13, 2009 khan Wesley Church, Egmore ah Inkhawm ban thingpui in hnuin Chennai Mizo Welfare Association memberte chuan thlalak hona kan nei a. Member 150 vel hemi ni hian kan inkhawm a ni.

Chennai Mizo Welfare Association (click for larger photo)

Chennai ah hian Mizo 300-400 vel awm turah kan in ngai a. Tunlai hian member registration leh directory buaipui chhoh mek zel a ni a, directory hi tun thla chhung ngei a press a chhut theih turin peih fel hman tum a ni.

Choolaimedu Mizote (click for larger photo)

Tum aiin kan veng Choolaimedu lam kan kal kim tha lova, thlalak hona neih leh hunah chuan kim ngei kan tum tawh dawn nia.

Thursday 20 August 2009

Chennai Freshers' Day 2009

August 15, 2009 khan Chennai Mizo Welfare Association chuan Freshers' Day kan hmang a. Choolaimedu Mizo lam pawh kan che tha hle a ni. Nuam kan ti tlangin freshers lo awm thar te paw'n nuam an ti hle a ni.


Monday 8 June 2009

Chennai Mizo & Bangalore Mizo member te intlawh tawnna (Unofficial)

Saturday, 6 June 2009: Chennai Mizo leh Bangalore Mizo thenkhatte chuan tun Inrinni kalta khan Mahabalipuram ah member intlawhtawnna an nei a. Chennai lam atangin Chennai Mizo Treasurer, Financial Secretary, Chhimbal Editor leh Joint Editor-te'n tawiawm in, Bangalore lam atangin Student Union President-in a rawn ho a ni. Heng hruaitute bakah hian member thahnem tak an kal a ni.








Hemi ni hian hlim taka hun hman niin zanriah tui tak kil ho a ni a. Khaw pahnih Mizo-te hian hlawkpui an tih thu sawiin hetiang intlawhtawnna hi a tam thei ang ber neih thin ni se tih thu an rel a ni.

Sunday 17 May 2009

Tunlai Thu Thar Deuh Te...

May thla laihawl vel anih takah chuan duh vang pawh ni lovin khaw lum chu kan tuar leh ta reng mai chu a ni a. Zoram lama chawlh hmang te erawh chuan vawt an tih thu hlir an sawi chamchi thung.

Hmanni (11th May 2009) khan Tetea te in, Mission Veng ah Choolaimedu Mizo hovin chaw kan eikhawm a. Amaherawhchu tum aiin kan kal tlem deuh. Hemi zan vek hian Aizawl khawpui chhung fanna neih a ni a. Member thenkhat (Mamuani) tlawhna hun te neih nghal a ni bawk. scooty pahnih, bike pathum leh bolero pakhat nen kan thawkchhuak a ni. Hlim taka hun hman a ni.

Kan member thar Jackson-a nau Samuel-a chu tunlai hian Chennai a rawn zin. Lum nuam a tih thu kan palai hrilhin khawlum bawl tih reh dan hria in awm chuan in rawn sawi vat dawn nia. 

Nimin lamah election vote chhiar te a ni a. Kan VCP Chhanga pa - Pu CL Ruala chu Mizoram MP atana thlan tlin a ni. Choolaimedu Mizo te chuan kan lawmpuiin duhsakna sang ber kan hlan e. Hetih rual hian facebook ah te, orkut ah te lo campaign pui tu zawng zawng chungah lawmthu kan sawi bawk a ni. Ruai ropui tak nen a lawm tum a ni. Mr-a'n a duh tawka bawngsa a sawngbawl chuan a tuizia kan hriat vek kha!

Nizan lamah kan Chepauk lam unaute - Saithanmawii te unau Choolaimedu lamah an rawn leng phei. Anni hi insawn an tum hnai tih thawm a awm mek. Hetih lai hian Kan VCP Chhanga, Tetea leh Rinoma te chu Besant Nagar lamah U Hminga nupui birthday lawmna ah an kal.

Chennai Mizo Welfare Association (CMWA) inkhawm a awm tawh loh avangin tunlai chu Mizo te inhmuhkhawm a khat hle. 

Sunday 22 March 2009

Zuziz in Audition Dawn - Zuala Awm Ta Lo

Chennai-a Mizo band lar ber tih hial a chhal theih 'The Zuziz' vocalist Zuala chu a zirlai te a zawh tak avangin Aizawl lamah min haw san ta.


Amah hian sulhnu tam tak neiin ngaitu pawh tam tak an awm a rin a ni.


Hetia Aizawl lama a haw takah chuan The Zuziz band chuan vocalist tur an la dawn tih thawm a awm a. Audition ni tur erawh hriat chian a lo ni lo.

Heti hian 4-4-2 ah advertisement chhuah a ni:

AUDITION

The Zuziz ho chuan an vocalist Zuala thlak turin an zawng mek a, hun remchang hmasa berah audition an nei ang. Beisei awm deuh deuh te:

Reuben: 3na lo ve tawh anih mai bakah 6-pack hi nula in an lawm an ring tlat.
Mama: 3na ni ve tawh tho kha a nia. Mahse Zailova zai dan style a la mah mah...
Nancy: Zuziz tan paw'n lo zai ve tawh mahse permanent member atan chuan a thu a duh hmel tlat.
Zara: An sawm nasa, mahse a tel duh a rinawm loh.
Samu-a: A zaithiam mahse practice hun a nei thei angem? Kal suh a tih chuan a kal lo a ni mai.
Juju: Dolma vangin a lar, mahse stage performance?

KC-a Rawn Zin


Choolaimedu Mizo hlun, K.C-a chu a certificate vel buaipuiin tunah hian Chennai a rawn zin a. An in hlui Corner Stone Apartment ah tunah hian a thlengin, Tv Samuel-a ten ropui takin an lo mikhual a ni.
Hetih lai hian kan correpondent chuan a rawn kal chhan tak tihian a saw: "Certificate la duh te chu ni se Graduation Day ah khan a rawn kal ang chu... A chhuanlam mai mai a nih hi. A rawn kal chhan tak te chu a bial hlui rawn fang turin a lawm."
A chhan engpawh lo ni se K.C-a rawn zin chu kan lawm e.

Tuesday 17 March 2009

Truck full load

A hnuaia pic ho hi han en teh. An hlim ve tho ania...

A thenin a driver khalh pui an tum...

A then lah a hnungah leng leh leng lovin an bet.

Nuam chu an ti ve chiang alawm!


Saturday 28 February 2009

Vala Rรปn in sawn

Vala Rรปn ti a kan hriat lar em em a chengte Figo, Mike, Tetea, Zama leh Zuala te chu naktuk Sunday, 28th February hian an insawn dawn.

Tuna an luah lai 22/74 Basha Street hi chhuahsanin Sowrashtra Nagar 8th Street, Choolaimedu ah an lut anga, The Gooners (Chhanga, Fa, Rinawma) te nen an in thenawm tawh dawn a ni.

Kan hriat theuh angin kar hnih kalta mai khan Adam-a te chhung pawh an insawn kha. An chhungkaw pahnih insawn chhan chu tun hnai chho a tui a harsat tak em vang niin kan palai chuan a sawi.

Monday 23 February 2009

Induh Ho!

Tun kar kalta chho vel kha chu nuam ti tak tak kan awm nual ang. Choolaimedu-a awm thin Raymond-a leh Jerome-a te an rawn zin a, F-a pa Aizawl atangin graduation day hmanpui turin a rawn zin thla vang vang a. Chhas thar nei thawm a awm nawk bawk nen!

Hetih lai hian Loyola graduation day hmang ve peihlo, induh deuh deuh an awm tih pawh kan hre reng a. Kan lo beisei tehlul nen an rawn kal duh tlat lo mai a ni.

Mahse kan palai ten thil an han chhui chiang a, rawn zin duh loh chhan an lo nei tha hle a ni: 

A chung a kan hmuh khi Hyderabad a ni a. A hmeichhia khi chu a hming chu hre tho mah ila tunah rih chuan thup a ni ang. A mipa zawk erawh khi chu a hunlai chuan, "Choolaimedu bak khawvel a awm thei dawn em ni?" lo ti hial thin, Mazuala (mi thenkhat tan chuan Zualbawihte-a) a ni a. Kan hmuh ang khian Choolaimedu aia ngaih pawimawh a nei tlat tawh a ni.

A dawttu zawk hi Puitea (Lalhruailiana) a ni a. Ani pawh hi Hyderabad ah tho awmin, hmanni lawk khan cycle thar a lei a (see pic). Hei hi duh tawk lovin tun hnai mai khan skateboard (see pic) a lei thar leh a ni awm e. Thu kan dawn danin cycle hi chu ama chuanna tur niin skateboard hi chuan nula ho a hnuk dawn ni awm tak a ni.

Kan member dangte chanchin pawh rawn update thuai a ni ang.

Sunday 22 February 2009

Loyola College Graduation Day

Tun kum Loyola College Graduation Day chu nimin Saturday, February 21, 2009 khan neih a ni a. Mizo zingah pawh certificate dawng an awm nual a. Chung zingah chuan Jerome, Tetea, F-a, Zara, Raymond leh Adam (pic ah tello) te a hmunah an kal a ni.

Nimin chuan Amuana, Andrew, KC-a, Mazuala leh Puitea te an rawn kal ve thei lova, pawi kan ti khawp mai. 

Thursday 19 February 2009

Ray-a leh Jerome-a te Chennai an rawn thleng ta!

Choolaimedu 19 February: Convocation hmang tura Chennai rawn zin thla - Ray-a leh Jerome-a te chuan zanin khan Choolaimedu an rawn thleng ta.

Raymond-a hi Adama-te chhungkaw bulah a thleng a. Kan palaiin a kawmna ah tihian a sawi, "Hei thianpa Felpuia te'n sial* pahnih min talh sak dawn a ni awm a, a nuam dawn khawp mai... Sparks ah kal ila".

Jerome-a pawh Yes Yes Terrace lamah ropui takin a thleng tih report kan dawng a. Pangpar thi te nen lo lawmin Yes Yes Terrace ah ruai theh an tum thu an sawi bawk. Heti hian Jerome-a'n kan palai a hrilh, "Macha, ka hnuk te a ulh dawn alawm... ekhqq".

Hetih rual hian lo kal ve tura kan rin em em Mazuala, KC-a leh Puitea te chu an rawn zin ve thei dawn lova. Pawi kan ti tak meuh meuh a ni. 

*sial = savom


4-4-2 Chennai Mizo Sports Update

Tunge turu ber?

Football - ChCh.a'n goal 4 a thun bakah mawi lutuk a time a delay avangin a turu ber.

Basketball - F-a'n a hun ah tak tunge a nih a lantir avangin a turu ber bawk.

Inkawikah - U Nancy a khir bawn. A turu ber e.

Penalty Shootout- U Mawitei a 'sial' ve tlat. A turu hle.

Overall - Rinawma a turu tawp! A bengchheng!

- Compiled by Zara, 4-4-2 Editor

Wednesday 28 January 2009

Terrorists V Counter Terrorists!

Venue: Vala Run
Time: 10:00 pm
Date: 25th January 2009

12 Players
4 Teams
1 Champion

The Game? Counter Strike Source.


Mizo Sports lo awm tura atana inpuahchahna.


Hemi zan hian team li (3 players per team) in an khel a.


Chennai Mizo Sports ah erawh chuan 4 players per team a ni ang.


Boruak a sang duh khawp mai! 


Ni 12 & 13 January hian i rawn kal ve ngei dawn nia - Chennai Mizo Sports: Counter Strike Source.

I ngam anih chuan...

Be part of the solution. Support WWF today