Saturday 17 May 2008

A Nuam Ngei Mai!

Kan tum anga ngeiin kan hlawhtling ta e. A ropuiin a nuam a ni. Choolaimedu PICNIC chu hman atanga kan lo tum angin Ni 16 May khan Hydeout (Tuirial) bulah neih a ni a. Choolaimedu mi leh sa 23 vel zet kan kal a ni.

Hemi ni hian dar 11:00 am ah Sap In (Aizawl ami zawk) atangin kan chhuak ho a. A kal hmasa ho hi motor pahnih leh bike pakhatin kan kal a ni. R-a'n a bike Karizma chu pa takin a rawn khalh dut dut a, Sapa'n an motor sen duk chu vung takin a khalh bawk a, Ray-a'n a Santro ngei mai khan min phur bawk a. Tichuan a kal hmasa ho chu dar 11:30 vel ah kan thleng a. A rawn kal tlai ho chu a hnu darkar 1 vel hnuah rawn thleng ve leh in swimming pool ah chuan football leh volleyball chawhpawlh, basketball rules deuh bawka khelh ni bawk si chu kan khel a.

Dar 2:00 pm velah rawng chu bawl tanin, Maryann-i, Mami, Felpuia, Sanga, R-a, Fela, Samuel-a te chuan ruai ropui chu an lo buatsaih a. Midang zawng chuan pool ah chuan foot-volley-basketball chu an lo khelh chhunzawm zel a. Nuam kan ti tlang hle.

Ruai kan han kilho zet chu thil mak tak tak a thleng a. Mazula chuan a dawh rual puite hek takin khawrh khat an kil chhungin vawi li (4) zet a lo dawh nawn hman a ni awm e. Chowkidar Zorama pawh in ruai kan ei khamah rawn ei chhunzawm ve in, "in lo kal leh ngei ngei dawn nia" tiin min thlah liam a.

Tlai chaw ei kham lamah chuan rawn tel ve remchang lo, Chennai lama kan thiante (a bik takin Reuben-a) tan hla te kan thlang a. Minute khat ngawi rengin kan ding bawk a ni. Hemi hun zet hi chu urhsun taka hman a ni.

Hemi zawh hian LAM session hman a ni a. Raymond-a meuh pawh in theh tril in lei leh van a kawk rual zat zat mai a ni.

Dar 7:30 pm velah Hydeout chu bye bye-in, lungchhe tak leh hreh takin Aizawl lam chu kan pan leh ta a. Haw kawng tantir chu chirhdiakah kan chuanna motor ho chu an han cheng a. Kan tleng thui thei hle. Bike keng R-a pawh a ke a bike foot rest-a nghat hman lek lovin kak tawng chung chuan a sir zawng ten (in free turn tum ni awm ang takin) a han lim ziai ziai a. Kan driver ho an lo hlauthawng hle tih a hnu-a an inpuanna ah an sawi. Kawng lakah vawi hnih vel dingin thla te kan han la leh rih a. Tichuan tluang takin mahni in theuh chu kan thleng leh ta a ni.

Hemi ni zet hi chu a nuam a ni. A kal ho chuan zawngchhang thlak kan tiin picnic leh chu a chakawm kan tih thu kan sawi chamchi a ni.

Choolaimedu Mizote nge nge!

Friday 2 May 2008

Choolaimedu Mizo Picnic & Chaw Ei Khawm

Aizawl thlen hnu paw'n kan veng (hlui) hi chu a theihnghilh theih tak tak loh anih hi! Chuvangin hmana kan rawtna tho kha han sawi chhuak leh teh ang: chaw ei khawm leh picnic.
Kar leh chho hian a haw tur chu kan haw kim ka ring a, rawn la haw ve lo ho kha rawn chho vat vat teh u. A chakawm tawh a nia! Thenkhat khaw danga admission ti a kan kal bo hma hian tih vat vat a ngai ania.
A haw ve theilo ho kha chu pawi ka tih pui khawp mai che u. Ka tuarpui tak zet zet che u ani. A bik takin Tv Reuben-a leh Tv Zuala kha in awm hmunah kan hre reng che u a ni tih in lo hre dawn nia.
Ni 10, May vel te hian enge in ngaihdan? Mami khan a hmun i ti fel turah kan ngai che ania. :-D Lo haw vat rawh!
Be part of the solution. Support WWF today