Kan Ngai Ngei Ang...

Pic: First Year at Loyola College

Kan ngai ngei ang ka'n ti tak na a, midang rilru chu ka hre miah lo. Mahse keini ang a final year ni mek, nakin lawk a Chennai chhuahsan mai tur te tan chuan a lunglen thlak dawn riau in ka hria.

Kum 3 lai a ral ve ta. A hun lai chuan a ninawm ve rum rum thin. Chennai khawlum hnuaia damlo chunga exam hial chang te a awm... Aizawl ngaih a na thin e tiraw? Chennai kan thlen thlak tirh kha ka la hre reng. May thla hi a nia. Chepauk mansion, tukverh pawh awm lohna ah Raymond-a leh Dinga nen kan han awm mai chu a lungchhiat thlak thei ania. Mahse i ti teh ang, thil hrehawm kan tawrhte hi 'experience' vek a lo ni.

Kan awm chhung khan Mizoram te chu kan ngai ve thin a lawm. Lunglen vangin thianpa Mazuala meuh paw'n tihian hla a phuah a:

Chennai

Aw Chennai, I tualah kumpui linglet

Duat ten min awi.

Zaleng ten I par kan lawm.

Mahse I par mawi zofaten maw

Zoram min ngaihtir mai tu lo ni e.

Aw Chennai, I tualah nuam maw

Zirchawlh kut ni hman nan ka zuam lul lo.

Zokhawpui nuamah kut ni chai turan chuahsan nang che.

Thliah ngai loh parmawi leh

Sik leh sa nuam lo hawn nang che.

Ka nakin hun tur ka hrelo. Mahse hei hi ka hria: Chennai ka awm chhunga ka thil tawn leh ka thian chhar te hi ka lung la ti leng tu tur leh Chennai min ngaih tir tu an la ni ang.