Raymond-a DSLR Thar

Tv. Raymond-a Canon DSLR thar a hawng lai...

He camera hian a zirlai a puih mai baka midang te tana tanpuitu a nih phah theih ngei a rin thu a sawi a. Hun lo kal zel turah theih tawp chhuaha a thil tih reng rengah he camera hian ama theih tawp chhuah tir tu a nih ngei a rin thu a sawi bawk.

Min nghilh bik suh ang che

Kum 2010 Farewell chu kan lo hmang zo leh ta der mai a! Kum khat hi a lo va rei lo tak em! Kan thiante, a thente phei chu kum tam tak hlim taka kan lo awmpui thin te'n nakin lawka min awmbo san tur han ngaihtuah hian lung a leng lawk ngei e.

Chennai, a bik takin Choolaimedu hi keini tan chuan a hlu a. Khawvel ram zau zawk ami te'n min hre lo a ni maithei. Mahse kan inpumkhatna leh inlungrualna te hi kan chhuang a, kan intitheihpui reng a ni. Kan awm chhung zawngin tu dang ngai bik lovin kan khawsa ho dial dial a; chhiatni thatniah Mizo takin kan in lawm tawnin kan in pui tlang thin a ni.

Mihausa leh mirethei inthliar hran lohna, mifel lua leh misual lua tia inla hrang awm lohna hmunah hian kan lung a awi ve tawk thei asin.

Mahse, kan zirlaipuite, kan thiante, kan unaute'n min awmbo san mai tur hi chu kan ngaih a ngam lo a ni. In tel lo chuan he hmun nuam tak hian nawmna a neih tawh loh kan hlau va, in awm lo tur hi kan sun lawk a ni.

Hun a ral ang a, kumte a liam ang. Thil pakhat chiah kan ngen a che u: kan thian duhtakte u, min theihnghilh bik suh ang che u aw.

Nghilh bik suh ang che kan hlim lai ni te
Suangtuahnaah pawh rauthla ang mai ni mahse
Keia tan zawng kan inthianthatna a hlu ngei e
Nghilh ni reng i awm dawn si lo keia tan
Min nghilh bik suh ang che ka thian duhtak

For more photos go to www.chennaimizo.com.

Summer Sports 2010 ah Basketball ah kan CHAMPION (Suangtuahna Khawvel)

In puahchahna a tha bawk a, Summer Sports 2010 pawh a kaltluang hle mai a, May thla laihawl vel chuan fixtures chu siam ani a, Chennai mizo tan pawh fixtures chu fuh lutuk lo mahse Champion na kawng a in hawng nasa hle.


First Match: Chennai Vs Bangalore
Coach F-a'n beisei pha lo mahse a player te a siksawi thiam hle a, Papuia an a debut ah points 15 lai a nei a, BS-a, Juju-a, Ricky te hovin tlem a zawng an contri ve bawk avangin haw kim theihloh avanga team tha vak lo B'lore chu 50-30 laiin an sawp a. Fans ho pawh an phur khawp mai.

Quaterfinal: Chennai Vs Kolkata
First 5 tlem a zawng an awl tir a, Dika, Remruata te ho pawh coach in a ring ngam bawk a, an khel tha kher mai. David pawh a taima khawp mai. Experience nei tha Jackson an mipui lawm a hlawh a, Nula hmelhriat ngah Daniela pawh au tu an tam khawp mai. Kolkata ho phurrit belhchhah turin F-a a dawng leh tlat bawk a. William leh Bs-a te combination pawh en tham a tling. Rin lawk ang ngeiiin Chennai chuan Kolkata chu 45-27 in an sawp a.

Semifinal: Chennai Vs Shillong
Chak zawk tur hriatthiam a har, Shillong ho hian an Quaterfinal ah Champion lai Pune an hneh miau avangin ngaihnep chi an nilo. Inkhelh tan atangin Shillong chuan game dominate zawk mahse Squad neitha Chennai an tal buai mai bik lo. Junior players te an tlan peih a, Senior player te a hun takah an rah bawk avangin Shillong tan tih ngaihna vak a awmlo. Rin ang ngeiin Papuia a kheltha leh hle a F-a'n a three points shoot ang te a thelh meuh lo. BS-a a khel tha leh hle bawk a. Hun a tawp meuh chuan Chennai chuan 36-30 in an hneh ta ani.

Final: Chennai Vs Delhi
Dream final ah hian host Chennai hovin entu an ngah a, mahse Delhi lam tantu an tam mah zawk. Final chu a dan a dang tlat. Chennai in kum tam tak an nghahhlel em em Champion hmel chu an hmulo mai dawn emaw tih turin an Delhi ho chuan an lead hle a. Half time anih meuh chuan Chennai tan beisei a awm tawh lo. Felpuia te ho pawh an meng khup dui tawh a. Mahse 2nd half ah thilmak a thleng ta, 2nd half tan chiah tihin F-a chuan 3-points a lut nghal a, game flow pawh a dik nghal purh mai. Papuia an a game ngaiin a khel thei a, Bsa a hmuhnawm. First half a chauh hmel tak Juju pawn a chauh loh zia a rawn ti lang a. Pavillion lamah Zama'n nuam a ti kher mai. Hun tawp hma second 15 a la awm tih chuan Delhi chu 1 point chiahin an chak toh a, Bsa chuan ball chu a la phei a Second 10 ala awm tih chuan Papuia chu a pass a, Papuia chuan a shoot nghal a. A miss tlat mai, rebound chu Raymond chuan lo laiin Juju chu a pe nghal a, anin a kil sira lo ding F-a chu pe in Second 3 chiah la awm chuan a shot ta a.... 3....2....1.....
Pavillion lam atangin chuan Zama Aw tih hriat fahran hian Chennai kan Champion tih ri chu a rawn ri a... Basketball court ah chuan Coach leh Hero F-a chu an zawn luih luih a. Hun rei tak chhung kan lo nghah tawh chu a thleng ta reng mai le....

Summer Sports 2010 Chennai in Host Dawn

For official news and updates, go to www.chennaimizo.com

Summer Sports 2010 Introduction

Kum dang ang bawkin tunkum pawh hian Summer Sports chu neih tum leh a ni a. Keini Chennai Mizo Welfare Association (CMWA) te chuan kan organise dawn a ni.

Kumdanga la tih ngailoh Prize Distribution Ceremony te kha neih kan tum a. Hetah hian Vanapa Hall emaw Chanmari Hall chu beisei chhin a ni a. Member kalte kan that zawk nan leh kan phur tlang zawk nan hemi function ah hian khaw tinin zai turin Band nei theuh thei ila tih chu kan thuchhuak a ni a, hla pahnih khat sak theuh nise, a genre chu engpawh a theih ang a! (Rap pawh a theih ang :D) Beat contest erawh a ni lovang. Min ti phuisui turin Band lar 'Boomarang' sawm an ni bawk ang.

Hetianga kan han tihna chhan deuh chu Sports mah ni se hmathar han lak hi kan chakin han tih 'special' ve deuh kan duh vang a ni a. Sports a tui silo Music a tui tam tak an awm tih kan hriat hian Music a tuite tan rahbi thar kaipui hi kan chak a ni. Tunkum chu Sports bakah Music ah huang thar kan han zauh a ni ber mai.

Chief Guest atan CMWA President Pu PC Lallawmsanga, IPS, ADGP, Tamil Nadu chu beisei a ni bawk a. Zan lamah neih tum a ni zet a, mahse hruaituten ngun taka an han ngaihtuah hnuin zan lama tih ai chuan tlai dar 2 ah function hi tan turin min ti ta zawk a ni. Chhun pawh nise member te kan in tawiawm tha hle tura ngaih a ni, a boruak kha a 'hot' dawnin, a 'light' leh nuam thei ang bera hman tum a ni a, ROPUI taka result puanna te leh lawmman semna te neih a ni dawn a ni.

Summer Sports hi May 27, 28 & 29 emaw June 3,4 & 5 ah neih a ni ang! High Field leh Babutlang ah bawk neih leh tum a ni a.

 

Inelna awm turte:

DAY 1

Football (Mipa)

DAY 2

Basketball (Mipa), - Semi final thleng

Arm Wrestling (Open, Mipa) - 2 theuh

Free throw ( Hmeichhia) - 5 theuh

Kawikah (Hmeichhe) - 10 theuh

DAY 3

Chawhma ah Mipa Basketball Final

Chawhnu dar 2 ah Prize Distribution + Music Festival @ Vanapa Hall or Chanmari YMA Hall

Note :

1) Pakhatna leh pahnihna tan Certificate leh Medal a awm vek ang.

2) Football tan bik - Best Player, Best Goalkeeper, Top Scorer leh Basketball tan bik MVP a awm ang. Lawmman tha tak pek an ni ang

3) Overall trophy a awm leh anga, Basketball running trophy pawh siam tum a ni.

A vawi khat nan thla la ho...

March 3, Choolaimedu: Loyola College Zirlaite chuan a vawi khat nan thla kan la ho va. Tel ve hman lo pahnih-khat vel chu awm mah se kan kal kim thawkhat viau a, mi sawmthum (30) lai thla la theiin kan kal khawm a ni.

 

Loyola College Biak In kawtah thla hi lak a ni a. Shift One ho ban hnu, Shift Two ho class tan hma si, chawhnu dar 1:20-ah kan kal khawm a ni.

Men's college a nih angin nula lam kan tlachham hle a, Hmeichhe tan Post Graduate chinah chauh a luh theih hi thlak thuai ni se kan ti tlang hle a ni.

Hemi ni hian kan kal kim thawkhat hle a. Rawn lang ve hman ta lo, Mr-a leh Mawitei te a hranin in passport thlalak kan lo bel mai dawn nia hman veleh.

Chennai ah Christmas '09 nuam taka hman a ni!

Ka tel ve chiah lo na a U Bena'n Yahoo Group-ah thlalak nalh tak tak a rawn upload a, mi tam zawkin kan en theih nan U Bena thlalakte hi ka rawn post e.

Chennai Mizo Welfare Association chuan Christmas Ni, 2009 khan Police Officers' Mess ah hlim takin Christmas chu ruai nen an lawm a. Intihhlimna hun te hmangin nuam takin hun an hmang a ni.

Choolaimedu lam paw'n nuam an ti hle niin thu kan dawng.

Photos: Courtesy of Benjamin L Sailo

 Kimtei'in zaia mipui a awi lai

Christmas hmanna hmun chu

Mipui

Mipui

 Reception-a chambang ho 

 Tlangval thenkhat

 

Terema, Charles, Gabriel, Michael & Anthony 

  

Encore! 

  

Charles & Anthony che tak tak lai! 

  

CMWA Executive Committee Members

 

Julie & RT-a te'n hnehsawh takin an host a

 

Fatu hman ber pawl 

 

 MCC lam paw'n rin ang ngeiin mipui an tihlim a

 

Nuam an ti tlang... 

 

 CMWA New Generation ho!

 

Mal zai with tingtang

 

Balloon inhampuahsiak - Nuho

 

 Inzaisiak - Paho

 

 Pu Tluanga with Junior

 

Rev Sangliankhuma 

Ruai! Ruai! Ruai! 

 A tawp ber atan - Christmas nuam ti ber - Reuben L Sailo

 Happy New Year to Everyone!

www.ChoolaimeduMizo.blogspot.com

Chennai Mizo Directory

November 15, 2009 khan Chennai Mizo Welfare Directory 2009-2010 chu kan Vice President Pu Benjamin L. Sailo in ropui takin a release a ni.

Awle, a siam dan tlangpui kan tarlang zuai zuai ang a (thil ngaihnawm em em chu a ni hran lo). Member in ziak lut zat hi kan vaiin 460 kan ni a (hming pe lut lo Mizo engemaw zat an la awm turah kan ngai).

Hming khawn khawm hna hi veng tinah collector ruat an ni a, an ni'n email-in an rawn submit a, a remkhawm hna hi Choolaimedu lam (Tetea, Zara, Zama, Lalmama) te kutah dah a ni ve thung a ni. A cover hi Raymond (Holy Heart School)-an a duh tawka a siksawi vel a ni a, a nalh pawh a nalhin a zahpuiawm lo hle a ni. Proof reading te neih a nih hnuin Police press-a chhut turin kan president Pu Lawmsanga hnenah pek phei a ni a, anin a print lam leh binding vel engkim a lo buaipui ta a ni.


(Kan insawn avangin internet connection kan la nei lova, chennaimizo.com pawh ka rawn update thei lo a ni. A theih veleh PDF version download theihin website ah hian dah a ni ang.)

TIGER 5 '09

Chennai Mizote (13 September 2009)

Sunday, September 13, 2009 khan Wesley Church, Egmore ah Inkhawm ban thingpui in hnuin Chennai Mizo Welfare Association memberte chuan thlalak hona kan nei a. Member 150 vel hemi ni hian kan inkhawm a ni.

Chennai Mizo Welfare Association (click for larger photo)

Chennai ah hian Mizo 300-400 vel awm turah kan in ngai a. Tunlai hian member registration leh directory buaipui chhoh mek zel a ni a, directory hi tun thla chhung ngei a press a chhut theih turin peih fel hman tum a ni.

Choolaimedu Mizote (click for larger photo)

Tum aiin kan veng Choolaimedu lam kan kal kim tha lova, thlalak hona neih leh hunah chuan kim ngei kan tum tawh dawn nia.

Chennai Freshers' Day 2009

August 15, 2009 khan Chennai Mizo Welfare Association chuan Freshers' Day kan hmang a. Choolaimedu Mizo lam pawh kan che tha hle a ni. Nuam kan ti tlangin freshers lo awm thar te paw'n nuam an ti hle a ni.

Chennai Mizo & Bangalore Mizo member te intlawh tawnna (Unofficial)

Saturday, 6 June 2009: Chennai Mizo leh Bangalore Mizo thenkhatte chuan tun Inrinni kalta khan Mahabalipuram ah member intlawhtawnna an nei a. Chennai lam atangin Chennai Mizo Treasurer, Financial Secretary, Chhimbal Editor leh Joint Editor-te'n tawiawm in, Bangalore lam atangin Student Union President-in a rawn ho a ni. Heng hruaitute bakah hian member thahnem tak an kal a ni.

Hemi ni hian hlim taka hun hman niin zanriah tui tak kil ho a ni a. Khaw pahnih Mizo-te hian hlawkpui an tih thu sawiin hetiang intlawhtawnna hi a tam thei ang ber neih thin ni se tih thu an rel a ni.

Tunlai Thu Thar Deuh Te...

May thla laihawl vel anih takah chuan duh vang pawh ni lovin khaw lum chu kan tuar leh ta reng mai chu a ni a. Zoram lama chawlh hmang te erawh chuan vawt an tih thu hlir an sawi chamchi thung.

Hmanni (11th May 2009) khan Tetea te in, Mission Veng ah Choolaimedu Mizo hovin chaw kan eikhawm a. Amaherawhchu tum aiin kan kal tlem deuh. Hemi zan vek hian Aizawl khawpui chhung fanna neih a ni a. Member thenkhat (Mamuani) tlawhna hun te neih nghal a ni bawk. scooty pahnih, bike pathum leh bolero pakhat nen kan thawkchhuak a ni. Hlim taka hun hman a ni.

Kan member thar Jackson-a nau Samuel-a chu tunlai hian Chennai a rawn zin. Lum nuam a tih thu kan palai hrilhin khawlum bawl tih reh dan hria in awm chuan in rawn sawi vat dawn nia. 

Nimin lamah election vote chhiar te a ni a. Kan VCP Chhanga pa - Pu CL Ruala chu Mizoram MP atana thlan tlin a ni. Choolaimedu Mizo te chuan kan lawmpuiin duhsakna sang ber kan hlan e. Hetih rual hian facebook ah te, orkut ah te lo campaign pui tu zawng zawng chungah lawmthu kan sawi bawk a ni. Ruai ropui tak nen a lawm tum a ni. Mr-a'n a duh tawka bawngsa a sawngbawl chuan a tuizia kan hriat vek kha!

Nizan lamah kan Chepauk lam unaute - Saithanmawii te unau Choolaimedu lamah an rawn leng phei. Anni hi insawn an tum hnai tih thawm a awm mek. Hetih lai hian Kan VCP Chhanga, Tetea leh Rinoma te chu Besant Nagar lamah U Hminga nupui birthday lawmna ah an kal.

Chennai Mizo Welfare Association (CMWA) inkhawm a awm tawh loh avangin tunlai chu Mizo te inhmuhkhawm a khat hle. 

Zuziz in Audition Dawn - Zuala Awm Ta Lo

Chennai-a Mizo band lar ber tih hial a chhal theih 'The Zuziz' vocalist Zuala chu a zirlai te a zawh tak avangin Aizawl lamah min haw san ta.

Amah hian sulhnu tam tak neiin ngaitu pawh tam tak an awm a rin a ni.

Hetia Aizawl lama a haw takah chuan The Zuziz band chuan vocalist tur an la dawn tih thawm a awm a. Audition ni tur erawh hriat chian a lo ni lo.

Heti hian 4-4-2 ah advertisement chhuah a ni:

AUDITION

The Zuziz ho chuan an vocalist Zuala thlak turin an zawng mek a, hun remchang hmasa berah audition an nei ang. Beisei awm deuh deuh te:

Reuben: 3na lo ve tawh anih mai bakah 6-pack hi nula in an lawm an ring tlat.

Mama: 3na ni ve tawh tho kha a nia. Mahse Zailova zai dan style a la mah mah...

Nancy: Zuziz tan paw'n lo zai ve tawh mahse permanent member atan chuan a thu a duh hmel tlat.

Zara: An sawm nasa, mahse a tel duh a rinawm loh.

Samu-a: A zaithiam mahse practice hun a nei thei angem? Kal suh a tih chuan a kal lo a ni mai.

Juju: Dolma vangin a lar, mahse stage performance?

KC-a Rawn Zin

Choolaimedu Mizo hlun, K.C-a chu a certificate vel buaipuiin tunah hian Chennai a rawn zin a. An in hlui Corner Stone Apartment ah tunah hian a thlengin, Tv Samuel-a ten ropui takin an lo mikhual a ni.

Hetih lai hian kan correpondent chuan a rawn kal chhan tak tihian a saw: "Certificate la duh te chu ni se Graduation Day ah khan a rawn kal ang chu... A chhuanlam mai mai a nih hi. A rawn kal chhan tak te chu a bial hlui rawn fang turin a lawm."

A chhan engpawh lo ni se K.C-a rawn zin chu kan lawm e.

Truck full load

A hnuaia pic ho hi han en teh. An hlim ve tho ania...

A thenin a driver khalh pui an tum...

A then lah a hnungah leng leh leng lovin an bet.

Nuam chu an ti ve chiang alawm!

fuh chiang lo mo.....a camera leh a hmel hi....?suihlung a dum ngei mai...

Vala Rûn in sawn

Vala Rûn ti a kan hriat lar em em a chengte Figo, Mike, Tetea, Zama leh Zuala te chu naktuk Sunday, 28th February hian an insawn dawn.

Tuna an luah lai 22/74 Basha Street hi chhuahsanin Sowrashtra Nagar 8th Street, Choolaimedu ah an lut anga, The Gooners (Chhanga, Fa, Rinawma) te nen an in thenawm tawh dawn a ni.

Kan hriat theuh angin kar hnih kalta mai khan Adam-a te chhung pawh an insawn kha. An chhungkaw pahnih insawn chhan chu tun hnai chho a tui a harsat tak em vang niin kan palai chuan a sawi.

Induh Ho!

Tun kar kalta chho vel kha chu nuam ti tak tak kan awm nual ang. Choolaimedu-a awm thin Raymond-a leh Jerome-a te an rawn zin a, F-a pa Aizawl atangin graduation day hmanpui turin a rawn zin thla vang vang a. Chhas thar nei thawm a awm nawk bawk nen!

Hetih lai hian Loyola graduation day hmang ve peihlo, induh deuh deuh an awm tih pawh kan hre reng a. Kan lo beisei tehlul nen an rawn kal duh tlat lo mai a ni.

Mahse kan palai ten thil an han chhui chiang a, rawn zin duh loh chhan an lo nei tha hle a ni: 

A chung a kan hmuh khi Hyderabad a ni a. A hmeichhia khi chu a hming chu hre tho mah ila tunah rih chuan thup a ni ang. A mipa zawk erawh khi chu a hunlai chuan, "Choolaimedu bak khawvel a awm thei dawn em ni?" lo ti hial thin, Mazuala (mi thenkhat tan chuan Zualbawihte-a) a ni a. Kan hmuh ang khian Choolaimedu aia ngaih pawimawh a nei tlat tawh a ni.

A dawttu zawk hi Puitea (Lalhruailiana) a ni a. Ani pawh hi Hyderabad ah tho awmin, hmanni lawk khan cycle thar a lei a (see pic). Hei hi duh tawk lovin tun hnai mai khan skateboard (see pic) a lei thar leh a ni awm e. Thu kan dawn danin cycle hi chu ama chuanna tur niin skateboard hi chuan nula ho a hnuk dawn ni awm tak a ni.

Kan member dangte chanchin pawh rawn update thuai a ni ang.